當年今日
關於我們

反修例2周年︱着《蘋果》Tee伯伯銅鑼灣SOGO外被搜身:你無宵禁,點解唔俾得人行呀?

蘋果日報 2021/06/12 21:18

反修例2周年搜身《蘋果》tee國安法

6.12 2周年,70多歲的歐陽先生,今日與幾名友人來到銅鑼灣閒逛,卻被警察搜身近10分鐘,「(我)梗係行街啦,個個都,你無宵禁無盛,銅鑼灣周末係最旺嗰個時段嚟㗎嘛,點解唔俾得人行呀?」
他感慨現在的社會為「警權世界」,指「(警察)誣告你又得、誣衊你又得、屈你又得,如果我頭先惡啲,佢都可以拉咗我先,拉完返去差館,可以控告我《國安法》」,「以前就無罪論(無罪假定),而家就其實有罪論,所以香港嘅巿民處境十分之艱難同危險」。
empty
歐陽先生(戴黃口罩者)感慨現在的社會為「警權世界」,指「如果我頭先惡啲,佢都可以拉咗我先,拉完返去差館,可以控告我《國安法》」。本報記者攝

戴「真普選」口罩 稱違法字句不會用

身穿《蘋果》的「No Fear Fight On」衣服、戴着寫上「真普選」字樣口罩的歐陽先生指,「我無犯罪㗎,你話呢啲係禁嘅,咁就OK(唔戴)啦」,又舉例指「打倒一黨專政」、「宣揚港獨」等,政府指違法的字句,自己就不會用。
他形容,現時「帶個螺絲批出街,都危害國家安全㗎喇」,「你做乜都得,嫖賭飲蕩吹,都無問題㗎,你出嚟唔好反共產黨,佢嗰個理念就係咁樣,你望吓澳門,就係明日嘅香港」。他亦表明有被警方搜查的心理準備:「我今日都預咗會犯官司,不過我幾廿歲,揸住枝拐杖,我惡得咩啫?你咪拉我囉。」
empty
身穿《蘋果》的「No Fear Fight On」衣服、戴着寫上「真普選」字樣口罩的歐陽先生指,「我無犯罪㗎,你話呢啲係禁嘅,咁就OK(唔戴)啦」。本報記者攝

紋「勿忘初心」被搜身:行街都犯法?

傍晚6時多,警方在渣甸街及羅素街截查多人,其中包括鄧先生及王小姐,2人不但被查袋,亦分別有男警及女警搜身。任職旅遊業的王小姐批評,警方做法無理,「我行街咋嘛,多餘」。
至於小腿有「勿忘初心 方得始終」的紋身、身穿黑底黃字「I am Hongkonger 香港人」上衣的鄧先生則指,「(件衫)有咩含意,我諗係香港人都知,今日係咩日子大家唔使多講」。
他指2人到銅鑼灣咖啡店用膳及逛街,卻被警方截查,「如果香港人連行街都係犯法,都要俾警察搜查,咁香港人嘅自由喺邊度?係咪連行街嘅權力都冇呢?」
鄧先生批評,今日是周六,警方卻大肆封路「係阻住香港市民日常生活」,直言不會忘記2年前的6.12,「永遠喺個心入面,好似係早幾日發生咁。件事過幾耐都好,嗰日都會喺裏面」。
empty
傍晚6時多,警方在渣甸街及羅素街截查多人。本報記者攝
empty
傍晚6時多,警方在渣甸街及羅素街截查多人。本報記者攝
empty
小腿紋有「勿忘初心 方得始終」字樣、身穿黑底黃字「I am Hongkonger 香港人」上衣的鄧先生批評,警方於周六大肆封路,「係阻住香港市民日常生活」。本報記者攝

穿黑衣標語T裇 市民相隔20米兩度遭截查

至晚上,警方在銅鑼灣一帶未有停止截查市民,身穿黑衣標語T裇的市民更成為目標,YouTuber「苦男」葉先生今日穿上黑底黃字「我哋真係好撚鍾意香港」的T裇,記者親眼目睹,他在不足20米距離,兩度被警方截查。
「都想試吓咁着係咪就會被人逗」,葉先生在時代廣場附近,首次被警方截查時,已被搜遍全身及衣袋;豈料行前約20米,再被另一批警員截查:「我同佢講,頭先你啲同事已經查過我一次,佢仲同我講,『唔緊要呀,再查多次囉!』佢鍾意咁樣玩我咪玩囉」,其後有警員表示看到同僚已搜查葉,他才被放行。

「件衫會爆炸呀?」

葉批評警方做法滋擾,「我着件咁嘅T恤,會有啲咩呢?件衫會爆炸呀?你覺得我政治立場同你唔同,就要逗我,咁你都吹我唔脹,我啲字係冇犯《國安法》㗎嘛」。對於兩度被截查,他表示無奈,「香港而家連着件衫都冇自由嘅,我着件黑色衫都要畀你查兩次嘅」。
他又指,自己任職客戶服務,今日在附近收工後,將制服換下,並將「打底」的白色底衫收在背囊內,「(警員)寸我帶埋『士啤』衫喎」。對於香港現時的情況,他坦言難過及無奈,「希望香港人唔好放棄囉,朝早嘅時候有個好消息,周庭終於出返嚟喇,雖然佢喺入面受咗好多委屈,都希望香港人撐住,同埋唔好咁驚囉。」訪問期間,葉身後再有黑衫市民被警方截查。
empty
身穿黑衣標語T裇的市民更成為目標,YouTuber「苦男」葉先生今日穿上黑底黃字「我哋真係好X鍾意香港」的T裇,在不足20米距離,兩度被警方截查。本報記者攝
-----------------------------
蘋果App大升級 更簡潔更就手!了解更多立即下載體驗