政府噚日公布,監察廉署工作嘅六個獨立委員會嘅新成員名單,其中唔少親中人士都榜上有名。好似民建聯主席曾鈺成;同被視為律政司司長接班人嘅行政會議成員廖長城,都成為廉署事宜投訴委員會嘅新委員;人大代表譚惠珠等多人就做咗貪污問題諮詢委員會委員。至於原本係審查貪污舉報諮詢委員會主席嘅胡紅玉,因為已做咗七年,終於卸任。
早排,曾鈺成曾經喺立法會辯論中,批評民主黨將八萬五、警廉衝突等所有壞事,賴晒係董特首嘅問題,佢𠵱家做咗監察廉署處理針對該署投訴嘅委員會成員,唔知遲吓會唔會另有體會呢?
傳真︰2623-9278
電郵︰
[email protected]