唐禹哲今日喺主題公園出席鬼屋活動，佢啱啱拍戲煞青由北京趕嚟香港。最近有傳大陸打壓外來藝人，被問有冇減片酬？佢話：「沒有，完全沒有，聽說是別的國家，是國外的人來才會有影響。」

稍後，唐禹哲會開拍另一套新戲《我們的少年時代》，將會喺湖南、長沙等地拍攝，之前佢多數演學生角色，佢話：「現在我演一個25歲剛出社會做事的老師。」佢仲笑言，戲中唔使好似其他演學生嘅演員咁打棒球，自己負責談戀愛。另外，佢話自己鍾意拍恐怖片，希望可以拍到《Walking Dead》或《殭屍》等嘅片種；佢以前有玩鬼屋，嚇親嘅時候會轉身，覺得自己唔夠man。