【新增短片】
一眾泛民議員於上午財會腰斬後，即開會商討DQ事件的應對策略，民主黨涂謹申指，會議未有任何結論，由於事態嚴重，是關乎政府對市民選擇的宣戰，相信需要更多時間商討。他指會議上各議員持不同看法，「對於同政府嘅關係、究竟個定位係點樣，都有唔同意見。」

涂謹申又指DQ是「徹底、粗暴地」改寫選民決定，對民主派是個大挑戰，「因為呢個係寫晒選舉嘅結果，如果係第二啲地方推翻大選嘅結果，一啲唔同國家可能已經有暴動。」

雖然訴訟是由上屆政府提出，但涂謹申不滿特首林鄭月娥只以一句「不能在法治作妥協」作出回應。涂謹申指林鄭月娥不能單從教育撥款去證實自己不是「梁振英2.0」，「俾梁振英打死結打足五年，咁你都要俾人相信你係有心去打開過，而呢個死結唔係淨係教育，係政治死結，林鄭都要表示用啲咩態度去解開。」涂指在DQ事件上，政府絕對有空間處理事件，解開由梁振英打下的死結。

至於今日未能順利通過教育撥款，涂謹申指大部分議員都是希望教育撥款能通過，「問題係究竟依家呢個狀況，我哋點樣回應先可以對得住最多嘅市民利益呢？」涂指DQ事件令更多市民感到憤怒。泛民議員會在星期一繼續開會，希望得出一個共識。

教育界立法會議員葉建源指，原本預期教育撥款能順利批出，「事件非常之嚴重，直接衝擊咗財委會審議。」葉建源表示，教育撥款是教育界多年來爭取的成果，他會繼續支持撥款通過，「問題當然較複雜，但我唔覺得呢個係兩難問題。」他指民主派需要時間商討事件，他亦會將自己的看法分享給其他民主派議員，「會提供資料，同埋整體撥款所影響範圍，我都會同議員清楚講述。」葉建源多次強調有信心撥款最終能通過，信心來自無論是教育界、民主派都重視及關心教育撥款，「對於年輕教師依家嘅處境，年輕學生嘅需要，大家都係好關心。」