【德甲】利雲未夠半季狂轟30球 拜仁3:1輕鬆奪「堡」
蘋果日報 2019/12/19 18:00
德甲拜仁慕尼黑羅拔利雲度夫斯基歐洲足球
利雲杜夫斯基今季已經射入30球
拜仁慕尼黑周三喺德甲以3:1輕取弗賴堡，隊中嘅射手羅拔利雲度夫斯基就仲威水，計埋今場半季都未夠就各項賽事射入咗30球，呢位波蘭神鋒今季真係入球停不了。
拜仁今場保持近期嘅勇態，上半場16分鐘利雲度夫斯基就為作客嘅拜仁先開紀錄，呢球亦都係佢今季射入嘅第30個入球，而佢現時喺德甲踢咗16場已經轟入19球，睇嚟今季德甲神射手都好難搵人同佢爭。