被衞生署點名處方含未標示西藥成分藥膏的中醫師彭惠明，下午有巿民拿藥膏到筲箕灣其應診的藥房退貨，其中家住港島南區的陳太稱，女兒盈盈幾個月大時，面及手腳出現濕疹，曾看西醫用百分之一比例的類固醇藥膏塗搽，一年後效果不大，去年起轉睇彭醫師，「佢話係百分百中藥成份，真係好有效，用咗一次第二日就好返咁濟。」

豈料一星期後，女兒左面頰用藥位置出現「四、五撻白印」，陳太起初以為是女兒抓損結疤，一直未有理會，但至今接近一年，白點仍未消退，「噚晚有朋友話我知原來衛生署查緊彭惠明，話藥膏有問題，我好擔心，過嚟退錢。」

陳太到藥房後，更即場問醫師有關女兒面頰的白點如何處理，惟醫師只說：「遲啲會退！」 陳太表示，當初帶女兒來看濕疹，彭醫師並無替女兒把脈，只是第一時間拿藥膏及藥方給她，似乎所有人都適用，她稱：「佢講明係百分百純中藥，令人放低戒心，現在好擔心個女塊面的白點唔退，始終係女仔，諗住帶個女睇皮膚科，應該由佢負責！」陳太又謂西醫會標明藥膏成份，沒想過彭標榜百分百中醫成份的藥膏，竟含有特強的類固醇，認為是欺騙，建議衛生署查辦重罰。

你敢爆，我敢獎！ 即Call《蘋果》24小時爆相爆片熱線 ：63836568