走紅日本樂壇嘅百變小天后KyaryPamyuPamyu（KPP），同人氣組合SEKAINOOWARI主音深瀨慧（Fukase）傳出拍拖消息多時，又多次畀人目擊戴口罩拍拖。

雖然坐火車、行原宿、返愛巢都有相為證，就連睇櫻花都有上載合照，KPP雖然曾經默認過拍拖，但之後又反口話大家只係好朋友，忽然低調唔認大家嘅情侶關係。

KPP同Fukase拍拖已經公開嘅秘密，但男主角噚晚喺twitter度，畀網民逼供之下，終於親口承認KPP嘅女友地位，話已經發展咗兩年地下情，佢番留言獲幾萬網民瘋狂轉發，亦得到唔少歌迷祝福讚登對！