鍾嘉欣、鄭融和周啓生等昨日到尖沙嘴出席「暖流送四川慈善演唱會」記者會，鍾嘉欣在演唱會當晚會與張敬軒合唱，她坦言十分緊張。至於有否向緋聞男友林峯取意見時，她說：「我有問佢由藝員轉歌手點分配壓力，佢聽過我首歌，都話好聽。」
鄭融對於緋聞男友劉浩龍早前自爆與她朝見口晚見面，並大讚她的新髮型很靚，鄭融強調與劉浩龍最近少了見面，她說：「做朋友、情侶如果日日見住，自己就接受唔到，大家都要有空間，我𠵱家唔想拍拖住。如果公開都要穩定咗先，有人祝福公開當然無妨，但我驚一小撮狗仔隊會破壞一啲關係，所以要好好衡量。」

周啓生護前妻

此外，周啓生與妻子梁晶瑩早前低調離婚，他形容兩人感情依舊很好，只是大家相處有困難，但不涉及第三者，周啓生處處維護曾經參選90年港姐的前妻，他說：「幫吓手，唔好每次都講佢係最低分港姐，呢啲已經係以前嘅事，我覺得老婆係最靚嘅女仔，如果唔係佢第時嫁唔出。」
採訪、攝影：駱華齡