同車路士領隊干地鬧返嘅迪亞高哥斯達(DC)等咗半季，依家終於正式回家喇!西甲馬德里體育會今日舉行記者會，DC同埋另一位新兵馬捷恩佩雷斯齊齊登場，前者將會着起18號波衫，而後者就着23號。

等咗半季終於「愛回家」，DC話:「我想多謝球會付出嘅努力，佢哋終於帶咗我翻嚟，我由衷多謝佢哋。」而捷恩佩雷斯就話:「我好榮幸可以加入馬體會呢個大球會，佢哋係全歐其中一支最好嘅球隊。」

查實DC同馬捷恩佩雷斯單交易一早已經搞掂，只不過馬體會有轉會禁令搞到佢哋依家先可以正式登場。今季基沙文表現失色，相信佢哋兩個可以加強馬體會嘅攻力。