韓劇《太陽的後裔》女星宋慧喬上月底再度襲港，出席代言護膚品牌活動，喬妹當日來港同離港都以新短髮示人，不過佢出席活動時就刻意駁咗長髮，似乎唔想短髮造型曝光。

而返回韓國後嘅喬妹原來已低調開工拍新劇《男朋友》，今日佢仲被網民捕獲喺東國大學拍外景，穿上格仔恤衫加短裙嘅喬妹頭髮比起出席活動時又長了一截，似乎又長頭髮駁長咗，見拍攝現場有唔少人拎住舊式手機拍喬妹，唔知係唔係拍返喬妹以前讀書時嘅片段。而朴寶劍都喺現場。

另外，噚日宋仲基就舉行粉絲見面會，不過喬妹就冇現身，唔知係唔係因為要開工所以先唔撐老公呢？

精選韓流，喺晒《娛果》
http://fb.com/appledailyent