出名風流嘅富商趙世曾喺西區域多利道嘅趙苑大宅，巴閉到有一個私家直升機場。噚日上晝11點幾，一名外籍女子向警方投訴，話直升機升降造成噪音，差人到場了解過，的確係有直升機升降，但個停機坪經合法申請，因此收隊離場，但話會向屋主進一步了解。
現場所見，搭機嘅係兩個穿Polo恤、樣貌似菲傭嘅女子。如果佢哋係幫趙生打工，就真係好幸福，出街都有直升機搭。
八方事後搵到趙公子了解過，佢解釋話自己有直升機牌好耐，架機以前自己揸，用嚟載老友出海上遊艇玩，𠵱家請咗個機師。已經冇揸一排。對於有人投訴，趙公子話可能係暑假關係，多咗用部機咪多咗噪音俾人投訴囉。