【最強美魔女】57歲徐貞姬keep住88磅少女身形 後悔結婚冇得移民
徐貞姬
韓國57歲女星徐貞姬於2014年爆出因長期受搞笑藝人老公徐世源家暴而申請離婚,徐貞姬之後走出離婚陰霾,閒時會跳芭蕾舞來鍛煉柔軟度,keep住少女身形。
雖然徐貞姬已很久沒有亮相幕前,但近日她接受女性雜誌《Women Sense》訪問時,就展示其童顏,被喻為最強美魔女。徐貞姬雖然已57歲,但她身上完全零贅肉,她受訪時直認自己一生的體重一直維持40kg(約88磅)左右,令不少女性羨慕不已。徐貞姬說:「一得閒時我就都會自己做按摩,我亦唔使捱餓、流汗、好痛苦咁減肥,咁樣同我唔適合。我反而成日都話要食零食,係好為食嘅人,甚至有相熟嘅朋友叫我去做吃播YouTuber。」
徐貞姬離婚後活得更加精采,她說:「一個人生活真係好正,喺我嘅人生中,而家最幸福。同仔女都成為好朋友,獨自生活係幸福時光嘅延續。」對於如果重回過去的話,會否作出其他選擇時,她說:「當然唔會咁快結婚,如果當時冇結婚,而係跟隨家人移民美國,咁樣我應該已經擁有專門職業,亦都可能做咗作家,或者係會對室內裝飾和藝術等各方面都感興趣嘅人。」