2014年香港旺角「鳩嗚」嘅警民衝突，一位昂藏6呎嘅男士問警察點解自己無行旺角嘅自由，質問警察點解要對香港人呼呼喝喝？當警察話佢非法集結時，佢反問一句：「我一個人點樣非法集結？」以理服警獲網民拍爛手掌封為「霸氣哥」嘅男士，原來係公民黨成員曾建峰。5年過後，「霸氣哥」喺6.26示威者包圍灣仔警察總部當晚，喺軒尼詩道遇警方截查時同多名警員理論，質疑警方濫權，猶如內地公安及城管，整個過程約10分鐘，全程據理力爭，無講過一句粗口，再次獲網民大讚。

在7.1遊行前夕，Facebook專頁「開掛之達人」上載「霸氣哥致香港人」嘅片段，霸氣哥片中自稱係「70後」，03年7.1後幾乎各場抗爭都無缺席，好遺憾至今無法爭取真普選。佢話作為一個抗爭者，覺得抗爭最難過一關係屋企人，一方面會抱怨家企人阻住自己爭取社會公義，一方面亦明白家人係出於關心同太愛自己，霸氣哥批評特區政府至今只係敷衍香港人訴求，將來可能會繼續踐踏香港人權利，甚至攞晒香港資源去為北京服務，佢引用李小龍名句「Be water my friend」為抗爭者打氣，希望同港人7.1遊行見。

-----------------------------
七一遊行2019
主題：撤回惡法 林鄭下台
副題/口號：重啟政改 釋放所有政治犯 撤銷暴動定性 徹查612鎮壓
日期：2019年7月1日
集合時間：下午2時30分
遊行路線：銅鑼灣維園中央草坪至金鐘政府總部
主辦團體：民間人權陣線
-----------------------------
【登記做選民 7月2日截止】

網上登記：
。方法1（登入此網站 ，按步驟3分鐘完成）
。方法2（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

-----------------------------
7月4日起 《蘋果動新聞》只限升級壹會員閱覽
繼續撐蘋果！