華籍練馬師呂健威一向作風旗幟鮮明，而且對本華將亦大力支持，好似在周三（27日）谷中夜戰中，此倉口有三匹戰馬列陣，當中兩駒分別交由何澤堯與巫顯東兩位小將上陣。

今朝（25日）早上，呂廄「塑料喜」熱身後，由何澤堯策騎考驗，在大跑道單試800米，馬匹戴上羊毛面箍，甫出跑道即躍躍欲試，角逐意慾甚濃，步爽力勁，佳態洋溢。期間呂威健一早在烽火台守候人馬步出，並向鞍上人交帶幾句後，立即返回座位，舉起望遠鏡沿途觀看人馬出試過程，課罷後仲緊張到急步趕去沙圈與何澤堯會合，二人咬耳仔傾一輪，動態唔簡單。此駒上仗大熱倒灶，今仗換人隨時嚟個大變身。