雙方首回合悶和0:0，西維爾作客反而取得唔少優勢，戰至57分鐘，更由簡路廸怒轟掛網波先開紀錄。
此時，西維爾後備席歡喜若狂，大事慶祝，鏡頭亦對準一眾助教和後備球員，但轉過眼，教練拉莫斯就倒地，不省人事！幸而，拉莫斯已於周四出院，並無大礙。
西班牙媒體透露，拉莫斯係俾貝廸斯球迷擲入場嘅兩公升水樽扑中頭部，當場暈倒，賽事被迫腰斬；可憐買咗西維爾平手盤嘅球迷，諗住收錢之際，到頭來一場歡喜一場空。不過，我求大俠一向係陰謀論吹捧者，仲諗極都唔明水樽點解會造成咁大威力，拉莫斯會唔會係怕賭波公司輸錢，所以使計詐暈呢？都怪我太過小人喇！