今日係李寶利告別戰，呢位意大利好手一開場即搶錢咁搶，接手上仗由韋達跑第二嘅「千軍萬馬」，順利於告別戰打響頭炮，之後佢再喺第六場三T尾關憑大熱門「火紅人」埋齋起孖，今季客串總算好頭好尾。「火紅人」上賽以同一配搭跑第三，今場增程至1600米順利補中，同廐第五場「好加加」部署大同小異，上次千四由馬偉昌跑第二，今仗換韋達跑長兩百米，亦告大熱補中，何良罕有地一日贏兩隻大熱W，今趟佢仲要係喺三T場次只出兩駒，取得百分百勝出率，呢位資深倉主整個全壘打畀大家嘆吓！