當年今日
關於我們

曹查理讚上山女有潛質:佢讀完書返嚟會做明星

蘋果日報 2015/09/28 06:00

蘋果即時Hilary上山詩鈉曹查理

今日曹查理喺銅鑼灣為清談節目錄影,佢就大讚上山詩鈉囡囡Hilary靚女同有潛質:「佢媽咪喺圈中識咁多人,我覺得佢讀完書返嚟會做明星。」至於時下嘅0靚模,曹查理就笑住話:「佢識我,我唔識佢。我係覺得舒淇最好,越來越靚女,如果有得同佢拍戲,我畀番片酬佢拍一場都好。」

曹查理近年忙住喺內地登台,佢直言話酬勞好好:「返去唱半個鐘,過一晚夜就走,都超過兩萬。不過我唔會喺內地做生意,唔夠佢哋嚟,又聽唔明啲方言,食咗你都唔知。」

講到昔日曾合作嘅女星,曹查理指葉子媚喺澳門開花店、陳寶蓮已過身、葉玉卿丈夫早前傳破產:「我睇報紙咋,都冇同佢(卿卿)聯絡,我都唔鍾意搵人嘅,不過見到佢瘦晒,好擔心。」