今屆特首選舉參與民間公投人數破新低，林鄭當選特首後社會亦未見有大型遊行，身為佔中發起人的戴耀廷不覺得民主運動進入低潮，認為只是香港民主運動進入經歷雨傘運動及多次大型選舉後的「緩和時期」，「其實我哋DQ咗689，某程度上有成果喺度，只係未攞到真普選」，他相信部分民主派支持曾俊華參選特首只是出於策略思維，大部分人至今堅持「制度唔能夠公平嘅話，係無得和解」。

記者 林俊謙

對於不少港人由過去爭取「我要真普選」，到特首選舉變為「我要曾俊華」，在特首選舉中按民間公投結果票投曾俊華的戴耀廷指，理解部分民主派支持曾俊華是出於策略思維，「唔係擁抱曾俊華，而係想透過曾俊華，帶來一種局面改變」。

他指曾俊華一旦當選後未能改變現時政制困局，很快即會被民主派批評，民望亦會插水；對於有指曾俊華代表的中間派冒起，戴相信大部大部份「薯粉」均屬「淺藍」，但連曾俊華如此溫和建制中人中央都要排斥，「其實（中央）係將薯粉移嚟我哋（民主派）呢邊」。他認為挺曾俊華及胡國興任特首的市民支持度逾6成，已超過民主派立法會選舉中所佔的約57個百分比，「其實掉返轉頭，唔係我哋畀人食咗，而係我哋食返過去，民主派可能收縮咗，但支持民主嘅人其實多咗」。

他相信民主派未來要透過「大策略」，在議會內外「夾擊」，包括力爭選舉議席之時繼續進行街頭運動，「今年七一大遊行無論如何一定要出來，展示香港人(對爭取民主)永不放棄嘅決心，最好薯粉一齊遊行，反對欽點制度，佢哋以前唔出來，今年應出嚟表態」。他並指近日熱論的「和解論」原則上沒有錯，「但制度唔能夠公平嘅話，係無得和解」。