【曾入急症室求助】吳日言被M痛困擾20幾年 自爆有乒乓波大朱古力瘤
蘋果日報 2020/06/17 19:55
吳日言子宮內膜異位朱古力瘤
（IG圖片）
吳日言（Yan）與圈外老公Barry結婚3年多，前年11月誕下女兒Bea，升級做人母，現不時都在社交網分享與囡囡的親子樂，日前帶同囡囡，與林芊妤（Coffee）母子去沙灘曬太陽。
雖然已成為人母，Yan仍為月事困擾，今日她在社交網出帖文，呼籲女士要注視這個問題，更分享她20多年來的M痛苦況，形容是「噩夢開始」：「讀書嘅時候真係好唔鍾意大姨媽嚟搵我，因為真係好痛好痛，嗰種感覺係個子宮俾人鍊實一樣，甚至因為太痛嘅關係，我試過痛到喺街上暈倒，亦試過痛到要去急症室打止痛針，甚至因為太痛嘅關係，嘔番晒啲止痛藥出嚟。20幾年來，我一直受到經痛嘅纏繞，直至到做婚前檢查，才知道子宮有相約乒乓波體積嘅朱古力瘤，原來我嘅經痛係病，我嘅子宮一直都喺度向我求救！」
Yan透露過往遇到經痛只會止痛後了事，現在才知道要認真去睇婦科，她留言：「經痛是婦科瘤如子宮腺肌瘤，子宮內膜異位（也稱朱古力瘤）等的常見病徵之一，我諗好多女仔同當時嘅我一樣，痛咪止痛囉，就算痛到又暈又嘔都好，完全冇諗過點解會痛！其實早一個月處理就有機會痛少一個月，唔好以為後生就唔會患上婦科瘤，諗住痛吓忍吓會慣嘅同時，其實個瘤有機會慢慢變大緊而令你越來越痛！」
-----------------------------
吳日言與圈外老公Barry育有一女Bea。（IG圖片）
吳日言雖已為人母，仍如同大細路一名，與囡囡Bea打成一片。（IG圖片）