第七場三班1000米，揀得上手馬不多，表面有實力的「飛快叻」、「駿馬得利」、「飛躍成功」、「甜蜜蜜」及「十二門徒」都各有疑問，其實幾亂。上述五駒，只有「飛快叻」及「飛躍成功」季內贏過三班，之後搏來搏去都唔特別，條件談不上硬淨。各有不足下，想博「十二門徒」，無疑欠三班賽績支持，但細心睇，自一月升班後，唔係跑盲門谷草，就跑田草1400，期間又加眼罩，轉到亂晒籠，點會跑得好？
「十二門徒」上次落番四班即除眼罩，改跑曾贏的1000即有表現，可惜排檔唔就，賽事途中掛住搵位姍姍來遲，今次雖是後備一補上，又跑三班賽，但負磅一下子孭輕17磅，搵得貝湯美跑，大可不必懷疑鬥志，再加上轉抽11檔好位，可望補中。

詳盡內容可留意明日<<蘋果日報>>及蘋果馬網 http://hk.racing.nextmedia.com