西甲皇家蘇斯達了無起色,來季睇嚟都要乙組再見。今輪秩序縱有主場之利,面對剛於上周喺主場大勝利雲特3:1嘅馬略卡,相信皇蘇又要失分。以兩軍近年聯賽對賽,少見和局呢個情況睇,今仗一於博皇蘇為搶分護級顧住攻,被馬略卡反擊得手,吼客隊贏波半冷戰果,可博馬略卡勝2:0。
貝廸斯近期有啲料到,新帥費南廸斯上任後,球隊長期保持不敗,但現時仍未完全逃離降班漩渦。今輪貝廸斯對手薩拉戈薩,近期表現略見飄忽,最近5場未嘗連勝連和或連負,上周就喺主場贏皇蘇3:2,照呢個走勢,今仗應出現和或負其中一瓣,即管試試熱門啲嘅1:1和果。