【告別RM】祖藍讚韓版係完美組合 作為fans覺得唔捨得
王祖藍Angelababy《RM》《奔跑吧兄弟》
近排是非不斷嘅韓國綜藝節目《Running Man》《RM》,今日宣佈將會喺明年2月摺埋,消息傳出後,令到唔少fans覺得心碎。
其實《RM》播出後,大陸亦係2014年趁機製作綜藝節目《奔跑吧兄弟》,並邀得楊穎(Angelababy)孭飛,《奔跑吧》又安排過原版《RM》嘅韓星金鐘國做節目神秘嘉賓谷收視,被扯爛衫露點晒肌都笑笑口,認真唔話得。
Baby同王祖藍、鄧超、李晨、王寶強、鄭愷、陳赫演出嘅《奔跑吧》都做咗兩年,觀眾都睇上癮,製作單位仲打算開拍第五季,可是今年8月內地爆出「限韓令」,連帶倒模自《RM》嘅《奔跑吧》都受影響,再加上主打嘅Baby又懷孕,新一輯《奔跑吧》開拍無期,無論正版同強國版都命運相同。
王祖藍今日接受《蘋果》訪問,講到《RM》摺埋,佢話:「我都覺得好可惜,曾經同佢哋一齊拍節目,覺得佢哋係一個好完美嘅組合。作為粉絲亦都唔捨得節目結束。不過尊重佢嘅決定。至於《奔跑吧》跟住嘅安排,祖藍話:「暫時冇收到任何關於內地版跑男嘅消息。」