【痛在身甜在心】滕麗名獲發哥親手鬆筋 痛到咬手指
蘋果日報 2019/09/14 13:30
海洋唐文龍保育珊瑚滕麗名
滕麗名、唐文龍（Michael）與陳蕊蕊等今天於西貢出席保育海洋活動。阿滕為宣揚保育海洋出力，2年前擔任亞洲區海洋大使的她曾到東南亞地區宣傳，已考獲潛水牌的她更曾參與清潔海洋，但眼見海洋生態逐漸被破壞，大感心痛，她說：「只要落過海見過珊瑚，過咗1、2年後再見到佢哋已經白化同爛晒，真係好心痛。而家就算去街市買魚都要選擇，瀕危絕種嘅魚都唔會買。」
阿滕又謂之前的腳傷已冇大礙，最近要加緊操練，為趕及年底跟老公出外滑雪，她又提到最近跟周潤發跑山的「甜蜜」經歷，她說：「我終於可以同發哥跑山，係江美儀話我知發哥同佢講好耐都冇見我，我舉手都舉唔切，我哋一行20幾人，我同達明同發哥一組，因為有腳傷，發哥話陪我跑慢啲，但係點知去到一段發哥就話呢段要爆，我好榮幸，因為之後發哥幫我鬆筋，我要忍痛咬住手指㗎，好sweet嘅，唔使羡慕，因為好多人都試過，跑完真係覺得幾舒服，嗰日仲落大雨，好浪漫。」
另外，Michael自爆日前練泰拳時弄裂了右邊第9及第10條筋骨，他說：「係我要求教練同我對打同踢嘅，點知被踢傷咗，筋骨嘅肌肉係要練好長時間，我練得唔夠，之後照咗X光，冇藥食，要等佢自己癒合，不過而家瞓覺轉身都好痛，連揸車遇到地下起伏都會好痛，每晚都起6、7次身，冇得做運動，醫生話需要3星期至1個月左右回復，我希望2個星期可以好返練習番，因為下月中就要開工。」
採訪：羅慧敏
攝影：陳慧安
攝影：陳慧安
（左圖攝影：陳慧安）
滕麗名和唐文龍等人今天出席保育海洋活動。
阿滕說日前跟發哥去行山，更獲對方幫自己鬆筋。
唐文龍日前打拳時傷到肋骨，要最少3星期時間才能康復。
陳蕊蕊晒腿現身。