【D1籃球】季軍戰大勝聖Jo 英華奪最後一個精英賽席位
蘋果日報 2020/01/17 16:20
朱耀明英華聖Jo聖若瑟九龍區學界籃球D1
英華以57:32大勝聖Jo。（許嘉明攝）- 今仗開戰兩隊快上快落，戰況緊湊，首節打成15分平手。
- 英華自14-15年度後未曾缺席精英賽，球員當然不欲成「斷纜」罪人，次節將士用命，半場領先28:19。
- 下半場聖若瑟英中如泄氣皮球，屢攻不入，英華快攻多次得手，完三節已拋離45:27。
- 雖然英華摘下最後一個精英賽席位，但主帥朱耀明依然不滿球員心散。
九龍區D1男籃季軍戰周五假修頓室內場上演，英華書院以57:32大勝聖若瑟英文中學，摘下D1最後一個精英賽席位。
兩軍近年成學界冤家，連續三年於季軍戰碰頭，惟聖若瑟英中連年敗陣，今屆捲土重來，四強緊咬男拔萃至最後關頭惜敗，盡展實力。今仗開戰兩隊快上快落，戰況緊湊，首節打成15分平手。英華自14-15年度後未曾缺席精英賽，球員當然不欲成「斷纜」罪人，次節將士用命以一波10:2攻勢拉開，半場領先28:19，其中主將周富謙攻入11分，包括三球三分球。下半場聖若瑟英中如泄氣皮球，屢攻不入，英華快攻多次得手，完三節已拋離45:27，此後聖若瑟英中球員體力下降，無力回天，終以25分之差大比數敗陣，連續三年與精英賽擦身而過。
即使英華早早拉開分差，但主帥朱耀明依然非常「勞氣」，他表示全因不滿球員心散，「你見通常學界波拉開少少，一俾人追返上嚟，個情況好難預料，我唔想發生呢啲事。」朱sir直言，今季九龍區列強實力相近，但他沒有擔心在季軍戰落敗而失落精英賽資格，他笑稱：「喺我隊波入面，一定個個都有壓力，但即使我唔教，只要球員想贏就會有壓力，所以佢哋要學識點樣將壓力變成進步嘅動力。」
記者：洪量丰
攝影：許嘉明
攝影：許嘉明
--------------------
【GYM の 革命‧一App玩晒！】
【GYM の 革命‧一App玩晒！】
教練開班直播‧大量健身正片
24小時隨時隨地互動做GYM
24小時隨時隨地互動做GYM
--------------------
一按即玩
一按即玩