日本AV界紅人波多野結衣挾「暗黑林志玲」喺香港、台灣響朵，今日仲首次去韓國開工，佢依家嘅身份唔只係拍個「愛情動作片女優」，波多野喺台灣仲威到連大人細路都識，上年推出完等同香港八達通嘅悠遊卡引起爭議，目前仍有唔少廣告商搵佢代言產品，繼電玩遊戲後，最近更有標榜健康嘅飲品廣告出街，被捧到拍得住班一線女星，唔怪得波多野視台灣係第二個家啦！

雖然係咁，但係波多野都唔忘本，繼續效力AV界，而且仲密密拍，密密搞見面會答謝日本fans支持。

噚日波多野就連走三場，喺上坂橋同八王子嘅彈珠機連鎖店開簽名會，例牌吸引大班麻甩佬捧場，波多野唔單止為粉絲逐一簽名，仲有幸運兒獲得偶像即場啜出嘅唇印手巾仔。查實波多野以往谷AV碟都會送着過嘅底褲作大禮，又試過拍賣底底，所以唇印手巾對佢嚟講當然濕濕碎啦！