【智慧老人】夏蕙BB澳門拉頭馬 滿心歡喜：好彩我隻馬冇犯眾憎
蘋果日報 2019/09/19 12:10
何君堯黃夏蕙拉頭馬犯眾憎
7.21當晚與元朗白衣人握手的立法會議員何君堯，名下馬匹「天祿」原定昨晚出戰快活谷，惟事前有網民號召群眾入馬場「探望」何君堯，最後馬會為確保人、馬安全，取消夜馬全部賽事，即令一眾做定功課準備搏殺的馬迷怨聲載道，無不將矛頭指向何君堯身上。
黃夏蕙昨日都有馬匹出賽，但不是快活谷，而是澳門馬場。夏蕙BB今日凌晨在facebook開心分享：「陰公（功）豬Law！馬好有靈性㗎！好彩我喺澳門隻馬冇犯眾憎，準時出賽，仲有得同老公贏咗頭馬，成班朋友都開開心心地大合照。」雖然夏蕙BB冇指名道姓，但醒目的網民亦明白箇中意思，7小時已有逾1萬個Like，紛紛大讚夏蕙BB：「靚抽！」、「恭喜恭喜 希望夏蕙BB同馬仔都身體健康 出入平安！」、「恭喜夏蕙BB，人靚心更美，祝幸福快樂」、「特登入嚟恭喜你㗎BB，愛死你」。
夏蕙BB雖然已經88歲，但為人仲好精靈，而且好貼民情，823當日，夏蕙BB親身「落區」支持人鏈活動，陪伴年青人站立約10分鐘。雖然事後收到不少好友的WhatsApp、微信，當中包括多年老友、契仔、契女等，紛紛指她是暴徒，更揚言要「斷交」，有活動也不再邀請她，甚至「被中國列入黑名單」，事件被老友無限放大，令夏蕙BB好唔開心。但夏蕙BB仍無悔，直言明白《阮玲玉》的「人言可畏」，質問為何要受到中傷，並指繼續仇恨及邊緣化，不能解決現時社會問題：「面對面，放下心中的牆來商量，先至可以有大和解的一日。」真是智慧老人！
夏蕙BB在澳門拉頭馬，但香港昨日卻被何君堯拖累無夜馬跑。（facebook圖片）
夏蕙BB與一班好朋友一齊切燒豬。（facebook圖片）
夏蕙BB開心拉頭馬。（facebook圖片）
7小時已有逾1萬人畀Like。（facebook圖片）
823當日，夏蕙BB親身「落區」支持人鏈活動。（資料圖片）
何君堯一人累全家，昨晚大家都無法「馬照跑」。（互聯網圖片）