【新增影片】
今時今日一隊波有幾件波衫一啲都唔出奇，不過出一件唔係著嚟落場踢波嘅波衫你又見過未？英超嘅曼聯，仲有幾支豪門球會皇家馬德里、祖雲達斯同埋拜仁慕尼黑，齊齊發佈佢哋嘅「第三作客波衫」，不過球迷要睇唔係要去球場，而係打機先見到，因為呢一系列新款波衫，係人氣足球電玩FIFA 18遊戲內獨有，全部都係以黑色為主，各隊配上唔同花紋圖案。

點先可以拎到呢套球衣？可以話好容易又可以話好難。因為玩呢隻GAME要輸入資料，包括玩家支持嘅球隊，只要揀咗上述嗰四隊就自動會得到相應波衫，但要喺上周四之前揀先計算，即係話「假粉」就冇份。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM