張可頤、謝君豪、江美儀、李蕙敏、張之鈺等近日在新光戲院演出舞台劇《但願人長久》，還有兩場尚未完成，趁齊人之際，昨晚提前在北角舉行慶功宴。

張可頤和謝君豪兩人戲中最多對手戲，已經合作八場之多，大家狀態越戰越勇，可以收放自如。可頤自認不擅活躍於舞台，經過緊密排練出騷後覺得之前低估了自己，並說：「原來我都得，只係唔慣聲音演戲。」暫時不敢談論對舞台劇做上癮，因不知何時再有下次，但經歷今次好劇本、精英人才，可頤怕難以走回頭路，就如先吃鮑魚再吃豬皮魚蛋的滋味，已開始擔心落幕後會失落。

具有多年舞台劇經驗謝君豪稱讚可頤表現：「梗係好，由第一場到而家不斷飆升，舞台劇可以追返完美，唔同拍劇拍完就冇得追。」還有兩場演出，可頤說：「仲有兩次機會，每次開騷都好似打遊戲機一樣，每次走時揸車都會諗有乜做得唔夠好。」出騷時自己亦有美中不足位，可頤坦言：「君豪真係場場滴滴眼淚流，我情感上控制有時一般，歌聲搭夠，佢好犀利，眼淚一行行咁流。」

江美儀在劇中爆炸頭造型誇張，連眼妝也十分潮，和團隊合作每日有如大食會，鳴謝可頤粉絲熱情款待劇組，每日均提供不同湯水、食物、甜品等，連食素的她也照顧周全，並感恩近日每場騷得以順利舉行，沒有受到影響，觀眾順利入場和安全返家。

江美儀稱在演出期間演員個個都食肥，唯獨她瘦了，在劇中她分別和兩位小鮮肉合作，美儀每晚被打一巴，然後反摑小鮮肉十巴，為求逼真試過打到兩鮮肉飛甩眼鏡和耳鳴，感到不好意思，美儀更打人打到右手腕瘀腫，她笑說：「手腳都瘀晒，可能雙腳撞到唔知，原來扮醉都真係會撞瘀。」

採訪：卓寶花
攝影：林賓尼

-----------------------------
【撐學生】
召集有心人 撐學生全年睇《蘋果》
立即按此