港姐前日進行複選，梁允瑜（Chloe）順利入圍。於首輪面試以一副戰鬥格現身的她，前日在網上忽然流出兩條爆粗短片，片中她鬧爆前度，直言很後悔曾和對方一起。其中一條片中，Chloe邊拮着魚蛋邊對着鏡頭咬牙切齒，每句說話都幾乎夾雜流利粗口：「我同你講，我呢世人最黑、最唔好彩就係識到你，我好X後悔同你一齊，一X定有報應，X你老X，食屎啦你。」至於另一條片，Chloe繼續發揮爛口本色：「你咁無品得唔得㗎？你咁X賤得唔得㗎？喂，其實我同你一齊真係唔係好開心㗎咋，即係我同其他人一齊，應該仲開心過你，我同你講，你比第一個hurt得我仲深囉！你幾時X街死？」有指Chloe讀大學時曾和男友鬧翻，故推測短片是該時候拍。

Chloe昨日在Ig限時動態回應自己爆粗短片一事，她留言：「感情事從來不是我擅長，過去的不能抹掉，人大了學懂感激，要好好感謝過去讓我受傷的，因為這些讓我成長。感謝報道我的傳媒和各種評論，讓我有機會重新面對過去嘅自己，這個過程，我相信是我人生重要的一課，學習變得更好，成為一個更好更成熟的梁允瑜。」過往亦曾有港姐如馮盈盈、陳曉華、麥明詩及謝嘉怡都被人踢爆試過爆粗，剛巧四人全部皆順利奪冠。