長汽（2333）今日勁升21.4%，成全日第二大升幅港股。豐盛金融資產管理董事黃國英形容，今次情況與之前恒大獲大摩唱好後挾高相似，「兩個都係有份外資行report帶動咗第一步。」

對於北水炒高長汽，黃國英認為並不意外。「其實我地又唔駛好稀奇，講緊兩年前我地都喺度諗緊AH差價，炒喇！」他又表示自己今次亦有追入長汽，因「開嗰下跟得過」。

大市方面，黃國英指今次外圍調整有機會是重演去年底買新經濟股沽舊經濟股的情況，估計新經濟股捱沽局面或只維持數星期時間。他表示「睇得唔係太差住」，暫不認為大市轉勢向下，因為中國科技股市場氣氛不太差，而且整體而言新經濟股以外股份「冇乜事」，並指「Worst case scenario（最壞情況）捱埋個季結囉。」。

另財經評論員黃志陽提醒港股跟外圍走，後市要觀察美股跌勢會否回穩，惟美股有機會只是小型調整浪毋須太擔心。他又指根據以往恒指調整經驗，25600點附近有支持，倘未跌穿則代表反覆向上勢頭不變。

掌握財經生活資訊，即Like「蘋果ATM」fb專頁啦！
http://fb.com/appledailyatm