單親媽媽吳綺莉一直同囡囡吳卓林相依為命,自上年卓林認出櫃戀同性外籍女友Andi後,母女感情出現裂痕,卓林仲同Andi出走去加拿大,幾個月嚟未肯返屋企。
吳綺莉上個月45歲生日,卓林未見送祝福,反而卓林早前喺facebook忽然改姓氏,由「Etta Wu」變成「Etta Zen」。吳綺莉英文姓氏係「Wu」,而成龍原名係陳港生(Jackie Chan),好似陳日君樞機就係叫Joseph Zen。卓林喺吳綺莉生日第二日,就貼單人相兼晒手上婚戒同留言:「I know who you are. I know you know what happened.」