黎團興因謀殺女兒判終身監禁，與黎做了23年夫妻的何美珍（55歲），昨聞判後十分激動，她哭訴：「一個係我個女，一個係我老公，我好難講判得合唔合理。佢（丈夫）死咗好過做人啦！」對於丈夫出事當日有否吸毒或酗酒，黎太只承認丈夫每日習慣在家中飲白酒，她否認女兒曾受丈夫性侵犯。
「我情願用自己條命換番我個女條命，寧願畀佢（丈夫）斬死嗰個係我。」黎太昨接受電話訪問時說：「佢流眼淚？𠵱家流眼淚乜都遲啦！」她補充：「一個大好家庭，有乜理由個女會畀老竇斬死呀，死咗個女，我都唔知幾咁傷心。」她突然又抽泣說：「我𠵱家好淒涼，都唔知點做人……」。

聲稱仲捱得不攞綜援

談及女兒生前是否曾遭父親性侵犯，黎太冷靜地說：「無」。至於日後會否探監及會否幫丈夫上訴，她透露自從悲劇發生後，整個人糊裏糊塗，「我自己都理唔掂自己，其他事唔理得咁多。」
原籍廣州市的何美珍透露，1982年她經朋友介紹與黎團興認識，拍拖一年後結婚，婚後翌年產下女兒黎穎餘（又名黎明華），93年她與當年9歲的穎餘持單程證來港定居，七年前一家三口才遷入葵盛東邨的案發單位，由於丈夫嗜酒又失業，而女兒又要半工讀，她需兼三份清潔工來維持家庭開支。
命案發生後，何美珍一度入住明愛向晴軒的庇護宿舍及投靠朋友，去年9月搬回案發單位，但因負擔不了每月2,110元租金，今年3月搬到葵芳一個月租1,000元的公屋單位。最近她已找到一份月入五千多元的清潔工作，她說：「𠵱家我仲可以捱，如果老咗捱唔到先考慮申請綜援。」
本報記者