當年今日
關於我們

司機車禍燒死孤寡愁前路

蘋果日報 2002/01/09 00:00


四十五歲中港貨櫃車司機杜學聰,日前為趕及在大除夕前送貨回香港,因疲勞過度,駕車經過深圳皇崗口岸時,失控撞向石壆,貨車着火焚燒,杜活生生被火燒死,遺下妻子及三名兒子,頓失經濟支柱,杜太擔憂生計之餘,亦為亡夫的殮葬費奔波,急待援手。
「佢做呢行我都好擔心,冇生意就擔心冇錢,有工開又擔心佢揸車嘅安全。佢之前都有考慮過轉行,不過呢行佢最熟。𠵱家我好似發夢咁,冇諗過呢啲事會發生喺自己身上。」一臉倦容的杜太說。

每日只睡三小時
四十四歲杜太與丈夫結婚二十二年,育有三名兒子,分別二十歲、十八歲及十一歲。早期丈夫做跟車司機,杜太則留在家中相夫教子。九三年開始,夫妻合資經營中港運輸公司,杜太在港負責接定單,其夫則任貨櫃車司機往返內地。杜為了賺取更多收入,在生意好景時,每日平均只睡三小時。
杜除要繳付每月約二千多元的汽車維修費用外,還要應付基本伙食開支及供兩名兒子讀書,經濟緊絀。由於經濟不景,去年生意額大幅下跌九成,連續五個月出現開工不足的情況,每月收入減少。「做呢行有嘢做就做,冇嘢做就成日坐響屋企,之前幾個月我哋冇乜生意,屋企連少少嘅積蓄都用晒。」杜太歎道。
盡快安排殮葬
杜太表示,長子今年剛踏足社會工作,任職飲食行業。為了應付次子及幼子的生活及書簿費開支,她亦打算出來社會工作,盼與長子一起維持家庭生計。「我先生冇讀過書,所以佢希望啲細路讀多啲書,就算點辛苦都希望供佢哋讀到書。」談到此,杜太的眼淚已奪眶而出。
現就讀中七的十八歲次子Gary表示:「到𠵱家都好難接受爸爸死咗嘅事實,每逢放暑假,爸爸會帶我哋一齊去游水。我會問政府借錢,畀心機讀書,希望將來升讀大學,完成爸爸嘅心願。」
杜太表示,由於丈夫在深圳遇上車禍,其遺體將會由內地運返本港,運費約需一萬二千元。之後,家人會盡快安排為亡夫在港舉行殮葬。蘋果日報慈善基金了解杜家四口的經濟困境後,即時從「殮葬專戶」撥款二萬元,助杜太支付亡夫的殮葬費用。
捐款編號:C0413

暖流熱線
電話:29908688
傳真:23702192
電郵:[email protected]
網址: http://www.charity.atnext.com