當年今日
關於我們

【繼續努力造人】拍節目狂食牛鞭 王祖藍扮缺氧整蠱霆鋒

蘋果日報 2017/12/16 17:13

李亞男王祖藍咖哩魚蛋音樂會

王祖藍同李亞男及葉家寶今日下午到秀茂坪現身影音使團舉辦《老表祝福你咖哩魚蛋音樂會》活動,王祖藍同太太會喺活動上唱歌仲會分享兩人感情故事。
聖誕將至兩公婆話今年聖誕屋企已有八個party,包括屋企人、公司、團契、朋友、好姊妹等等,呢兩日就會正式展開,雖然不至於停工去籌辦,但都會好繁忙。
李亞男終於完成個人烹飪書,預計農曆年推出,雖然有烹飪經驗,但絕對唔夠應付聖誕party,不過亦會親自煮拿手小菜,例如厚切慢煮牛扒、馬來西亞叉燒、辣酒煮花螺等幾味宴客。祖藍話:「咁多美食箍住我成個人,我對孖潤腸嘴就係咁樣食番嚟,好鼓勵新婚人妻由零開始去學習烹飪。」李亞男笑指:「我終於都出人頭地,名副其實入得廚房出得廳堂。」
李亞男同王祖藍兩公婆早前去內地拍攝謝霆鋒飲食節目,祖藍突然缺氧,佢今日解釋:「其實係整蠱霆鋒,好彩佢都冇嚇親,不過我證明佢真係識得煮嘢食,只係花款有型啲,下次可以叫佢寫朱古力同焦糖揮春。拍時霆鋒不斷請我食牛鞭,我都同佢講:『你覺得我咁唔得咩?要咁補?』近日李居明又好關心我,霆鋒又好關心。」兩人表示會繼續努力造人喎。
哦…咁加油啦!
相關文章:
【生仔要做咁多嘢】37歲王祖藍上性教育課 陽光喺頭頂行房易中
http://bit.ly/2olW56a

更多娛聞,喺晒《娛果》
http://fb.com/appledailyent
empty
攝影:陳俊強
empty
王祖藍同李亞男及葉家寶今日下午到秀茂坪現身影音視團舉辦《老表祝福你咖哩魚蛋音樂會》活動。
empty
王祖藍同太太會喺活動上唱歌仲會分享兩人感情故事。
empty
李亞男終於完成個人烹飪書,預計農曆年推出。
empty
李亞男同王祖藍兩公婆早前去內地拍攝謝霆鋒飲食節目。
empty
祖藍:「拍時霆鋒不斷請我食牛鞭,我都同佢講:『你覺得我咁唔得咩?要咁補?』」