曾經嘅荷李活金童玉女畢彼特（Brad Pitt）同安琪蓮娜祖莉（Angelina Jolie）雖然已於上年9月宣佈離婚，但時至今日二人都未公開承認過有新戀情，之前更有傳二人想復合。最近安琪蓮娜接受電台訪問，就再次開腔談畢彼特，並指一齊工作令佢哋夫婦之間溝通到：「我哋相識都係透過工作，我哋一齊做嘢效果好好，我希望我哋可以一齊做啲認真嘅工作，我認為係個好方法令我哋溝通。」佢就話2015年二人合作《緣海假期》（By The Sea）令佢哋夫婦溝通嘅契機。「我哋處理緊啲事，事情發生有唔同原因。點解我會寫出呢部作品？點解我拍戲時會有嗰種感受？我唔肯定。」《緣海假期》講述兩夫婦嘅不和同痛苦關係，好可能係表達出佢對畢彼特嘅感受。

更多娛聞，喺晒《娛果》
http://fb.com/appledailyen