亞姐造馬風波加上高層倒台，令弱台亞視更顛簸動盪。陳啓泰昨返大埔亞視總台時直認對公司心傷，他說：「我入嚟亞視10年，類似呢啲事（高層變動）經常發生。我睇見啲網民講到亞視不如執咗去，係鬧劇一場，又話冇公信力，我睇到好唔開心，好心傷，網民用鬧劇嚟形容去到好荒謬嘅地步，我個人立場覺得好對唔住大家，同香港朋友講聲唔好意思，好遺憾，好慚愧。」

自覺點票公道

亞視執行主席張永霖表示今屆亞姐賽果有問題，擔任亞姐司儀的陳啓泰指張永霖沒有言明那個單位有問題，但他個人覺得很公道：「有問題都唔會請霍生（霍震霆）嚟監票，人哋係立法會議員，唔係嚟玩㗎，會唔會係投票機制方法有問題？」
以外判形式與亞視合作的黃麗梅前日早上才致電王維基秘書，相約傾談明年合作大計，她昨說：「當時王維基秘書仲話如果透過電話傾會快啲，面談要安排時間，點知噚日中午張永霖就證實佢請辭。」
吳亭欣和林韋辰主持的新節目《會嚇室》今首天開工，二人稱數天前獲公司通知王維基會親到現場探班，豈料前日他忽然下台。首屆亞姐冠軍黎燕珊昨日到理大出席活動時說：「估唔到我20年前選嘅時候咁哄動，今次20周年又咁哄動。」
採訪、攝影：王崇穎、比華利、黃偉雄