近排唔少藝人整親手腳，繼楊明拍電單車戲撞傷左膝要鏠針，Coffee(林芊妤)玩浮潛嗰陣，炒埋珊瑚搞到爛腳。噚日沈卓盈又唔小心俾刀切親手，搞到手指要鏠3針。

事緣沈卓盈噚日喺微博同ig放咗張血淋淋嘅手指相，自爆唔小心，俾刀切親隻手，最後仲搞到要去醫院求醫。

戴住藝人三寶-口罩、太陽眼鏡同cap帽嘅沈卓盈，仲不忘喺微博直擊佢喺醫院求醫過程！

事後《蘋果》打俾沈卓盈，佢就話自己因為切紅棗整親隻手。問佢四眼男友有冇呵番，沈卓盈就話：「自己照顧自己啦，其實朋友知道後，個個都有send短訊嚟關心吓！」