當年今日
關於我們
【網上教學有不足】譚俊彥呻復課安排有難度 直言打亂陣腳
蘋果日報 2020/03/17 22:45
黃浩然
譚俊彥
難以復課
武漢肺炎疫情由中國湖北擴散至全球,確診人數每日都有所增加,情況極為嚴峻!因近日有不少市民外遊後均確診,於是香港開始第二波疫情爆發,特首林鄭月娥今早在行會前見記者時,表示日內將向所有國家(除中澳台)發出紅色外遊警示,周四起所有入境者均須強制檢疫或或醫學監察14日,與此同時,林鄭表示4月20日全面復課「冇咩可能」,極其量只能分階段進行,或由較高年級學生先復課,料低年級學生在未來一、兩個月難以復課。
譚俊彥今日在香港仔出席活動,對於復課的安排,身為爸爸的他說:「真係打亂晒陣腳,本來我諗住全家去新加坡視察環境,之後送子女去嗰邊留學,但係而家要取消行程。」提到目前有不少學校安排網上教學,他說:「其實呢個作用唔係幾好,因為上網會窒吓窒吓,而且對小朋友嚟講,最初的確好新鮮,耐咗會冇晒耐性,況且功課要家長幫手,真係做多咗好多功夫。」同樣是爸爸的黃浩然,他表示停課其間陪兩個兒子玩遊戲和上課,而且太太更學習了一個新技能,就是開始幫兒子剪頭髮。
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
譚俊彥坦言復課安排打亂了他的陣腳。
黃浩然陪兒子玩遊戲。
譚俊彥今日去派口罩。