由韓國女星張娜拉夥拍男星崔振赫、申成祿主演嘅SBS新劇《皇后的品格》近日爆出是非，被指劇組工作人員超時工作拍攝近30小時，引起關注。不過劇集壞消息不斷，今日有報道指申成祿噚日喺拍攝途中受傷，導致腳趾骨折，需要接受手術。由於申成祿嘅戲份都好重，所以估計《皇后的品格》嘅拍攝工作都會受影響。

而申成祿嘅所屬事務所就表示：「申成祿於拍攝過程中不慎受傷致腳趾骨折，隨後已送到醫院，預計今日做手術，雖然手術後需要觀察一段時間，不過申成祿嘅傷勢唔算嚴重，為咗唔耽誤拍攝，所以申成祿聽日就會返到片場繼續開工。」似乎因為《皇后的品格》係邊拍邊播劇集，所以一眾演員、工作人員都要趕工，就連申成祿受傷都冇得休息，認真陰公。

另外，《皇后的品格》將於今晚播出最新嘅第17、18集，劇組公開嘅劇照可見，戴住眼鏡嘅張娜拉額頭受咗傷，但本身係皇后嘅佢，就穿上宮女服裝。

精選韓流，喺晒《娛果》
http://fb.com/appledailyent