上星期才講完Big4嘅宣傳技倆，想不到今個星期就要講公關災難。事緣山竹襲港，其中三大，包括PwC、KPMG及Deloitte都通知員工星期一可留在家中工作，唯獨EY未有此安排，只通知員工公司壞𨋢，要預留時間。其實除了PwC是在星期日晚就出通知外，KPMG及Deloitte都是在當天早上約九點至十點才出Email，當時大部分員工都已出門口上班，顯然並不是有心叫員工Home Office。不過正所謂「遲到好過冇到」，觀感上還是比毫無表示的EY好一點。

EY今次甩隊相信有兩個可能：其一是情報網出了問題，完全不了解行業風向，連另外三間Home Office都不知道。畢竟Big4很多時候都是齊上齊落，例如是次KPMG及Deloitte就及時跟風，得以避過公關災難。如果這是原因，我還是勸EY管理層多點留意世事，識多啲人收風，不要只躲在老細房對住盤數，以免下次又出醜。

另一原因，就是管理層太過算死草，即使明知另外三間都Home Office，心中還是盤算「班人返少日工點算呀？啲嘢做唔晒啦」之類的問題。其實Big4的工作是Project制，並不會因放一日假而少了生意，更不會做唔晒，因為就算進度真的因此受阻，第二日員工都要OT做返，到最後還是會按原定時間表完成。所以如果EY管理層咁都要算到盡，我都無話可說，只能提提他們良好的突發事件應變，係一次絕佳的宣傳機會，計返點都有賺，總好過平時又上報紙又賣廣告建立形象，然後衰一次自爆公關災難。

神仙丁
http://fb.com/AuditSlave/

全球樓行 Dream House零距離
https://hk.feature.appledaily.com/overseasproperty