由《醉爆伴郎團》（Hangover）系列醉爆三狼之一艾希姆斯（EdHelms）主演嘅新片《親子樂膠遊》（Vacation）講述艾希姆斯帶住一家大細自駕旅行，中途意外頻生，遇咗唔少尷尬事，包括以為排污充滿屎水嘅池係溫泉，十分爆笑。

不過當中其搶鏡，一定係「雷神」基斯咸士禾夫（ChrisHemsworth）扮演艾希姆斯個姊夫，有型有事業嘅佢不停大晒健碩身材，於預告中仲現出令人詫異嘅巨鵰！
佢日前接受訪問時重提呢場戲，佢話用咗幾個鐘去試不同size嘅假狗，最後仲揀咗一條最大條嘅，連自己都忍唔住狂笑：「我自己拍攝嗰場時都嚇窒咗，不過好有趣，今次無論對其他人定自己嚟講都好尷尬同興奮！」