當年今日
關於我們

【11月7日結婚嘞!】何雁詩無忌紅事相冲 婚禮同爸爸生日一齊搞

蘋果日報 2020/04/24 00:00

婚期鄭俊弘何雁詩

何雁詩與鄭俊弘拍拖兩年,今年元旦宣佈結婚,二人已定於11月在 香港 擺酒,並延遲明年到美國舉行婚禮。準新娘何雁詩一邊忙於籌備婚禮,在婚前也努力為新歌宣傳,今日她到新城接受訪問,因為武漢肺炎全球肆虐,人多聚集有一定風險,之前她的未婚夫鄭俊弘透露二人9月在美國舉行的婚禮要延期,何雁詩笑說:「係,佢冇同我講,成日自己講咗先。因為我哋覺得美國情況嚴峻,家人朋友都擔心唔知去唔去,所以延遲到下年結婚,喺我好鍾意嗰個酒莊場地。」
何雁詩又透露香港的婚禮正籌備中,日前托公關朋友訂酒席,預計擺30多圍,暫時未付訂金,婚紗仍未選定,她表示也憂心情況,覺得未知之數較多,更自爆:「我哋會食住父親70歲大壽一齊搞。」被問兩件喜事放在一起,是否有習俗禁忌?她說:「唔怕,因為係佢西曆生日正日,既然都會叫埋佢啲朋友,所以同日搞啦,佢仲開心搞大party。」何雁詩父親的生日是11月7日,笑言往後結婚周年也可以一同慶祝。她暫時只願透露在尖沙嘴擺酒,到時未必同日簽紙註冊,現時亦未申請擬結婚通知書,她說:「要幾時入紙㗎?我唔知,哈哈,第一次結婚好多嘢唔識。」
empty
empty
empty
empty