MIRROR梅窩困獸鬥素顏示人 放低戒心互爆秘密互相傷害

蘋果日報 2021/06/06 21:11

調教你MIRROR梅窩
    人氣男子組合MIRROR出道兩年半，部份成員雖然在樂壇爭取到驕人成績，但始終有迷惘的時候，經理人花姐於是提議將12子交托梁祖堯，希望阿祖能夠「調教」MIRROR。早前，他們入梅窩宿營12日，透過相處及參與一些workshop，重拾當年參加《全民造星》的初心，變得更團結。《調教你MIRROR》將於明晚11時首播。
    今日，阿祖、花姐與MIRROR缺少Edan下在九龍灣出席記者會，活動中，花姐指12子有反叛期，所以促成這個節目，當「調教」後，花姐坦言有點擔心，怕12子會團結一起對抗她。阿祖表示最大挑戰是要12子放下戒心，Lokman笑言最大挑戰是素顏，其他人則表示「調教」令他們更了解自己和體諒隊友，不過Stanley最大改變是姜濤，他笑說：「姜濤身型改變咗，佢食好多嘢，係肥腫難分。」姜濤笑言第一日已開懷暢食，他曾哀求花姐剪走部分片段：「唔想再睇番，睇到入面嘅我都嚇親，食到勁肥！觀察咗1日冇其他機關之後就放開咗嚟食。」
    受訪時，姜濤踢爆跟他同房的阿Jer好貪靚，其他隊員立即和應，Anson Lo及 Jeremy指阿Jer要借遮瑕膏和髮尾油，阿Jer解釋：「有暗瘡要遮少少。」對於在預告片中，12子互攬隊友落淚，更細訴心底話，Lokman直認有迷惘的時候：「而家唔迷失，因為疫情冇工作，冇嘢做就好多時間諗嘢，好容易轉牛角尖，不過呢啲都係好多人嘅經歷。」提到之前與隊友存有芥蒂，Anson Kong說：「芥蒂在於大家冇溝通，大家唔知大家嘅諗法，大家就會有呢啲好小嘅誤會，食飯嘅時候，大家拎出嚟講，可能男仔比較爽快，講咗出嚟大家就冇事。」Jeremy亦直認自己比以前更放開放，願意表達自己。
    如遇到跟花姐有意見不合的時候，他們會否很齊心對抗花姐？Ian搶着說：「對抗還對抗，但唔一定係成事，上次集合咗12個一齊對抗，最後都係失敗，例如拍MV，我哋想爭取某一啲嘢，一下好權威性，好壓倒性。」問到他們有否看過《調教》？姜濤說：「我睇過少少，花姐畀我睇，嘩，大家要有心理準備大家都係素顏。」問他當時胖了多少？姜濤說：「冇磅過，有肉眼可見嘅變化，有啲絕望。」Jer踢爆姜濤連續要吃兩、三包薯片，姜濤笑住反擊：「你冇資格話我。」會否想開第二季，他們表示很想，希望疫情完結可以出埠拍攝，有人提議歐洲、泰國沙灘，笑言不介意穿泳褲。
    為了撼《調教你MIRROR》，TVB將方力申主持的節目《鬼上你架車》，由本來的收費電視調到同時間在J2台播出。對於大台安排，方力申今晚出席活動時表示沒有壓力，更因現時可以免費台播出覺得好開心：「成績點永遠唔係我哋可以控制，就算拍戲都擔心唔到票房，更何況收視率。」對於節目被大台睇好，方力申就話節目推出後反應不錯，問到是否有信心撼贏MIRROR？他說：「我哋冇諗呢啲嘢，做好自己，不過好消息係我哋可能拍續集。」
    empty
    MIRROR之前去梅窩宿營12日，重拾初心，不過Edan缺席今日活動。
    empty
    花姐邀請梁祖堯幫手調教ＭIRROR。
    empty
    姜濤說入宿後身形有肉眼可見的變化，加上素顏，觀眾要有心理準備。
    empty
    巨龍Stanley與豬仔Jeremy。
    empty
    Lokman說之前曾經迷失又轉牛角尖。
    empty
    empty
    Ian透露之前拍MV曾經一起對抗過花姐，但不成功。
    empty
    姜濤踢爆阿Jer貪靚，Ａnson Lo及Jeremy即刻和應指阿Jer借過遮瑕膏和髮尾油。
    empty
    Lokman借機會宣傳新劇《IT狗》，Anson Lo亦說電影《假冒女團》即將煞科。
    empty
    MIRROR出發去梅窩，想不到今次特訓，讓感情增進不少。（影片截圖）
    empty
    姜濤入營後狂食，脹了一個碼。（影片截圖）
    empty
    Lokman表示隊長一職，讓他承受好重負擔，節目上忍唔住爆喊。（影片截圖）
    empty
    節目有不少感人場面。（影片截圖）
    empty
    Anson Kong直認之前與隊友少溝通，引起不少芥蒂。（影片截圖）
    empty
    MIRROR成員激罕素顏現身。（影片截圖）
    empty
    被問到是否有信心撼贏MIRROR？方力申只謂：「我哋冇諗呢啲嘢！」
    -----------------------------
    蘋果App大升級 更簡潔更就手！了解更多（立即下載體驗）