出爐應屆港姐冠軍雷莊𠒇（Juliette），當選後不斷遭網民攻擊，但佢依然表現堅強，講明「I don't care」同唔會放棄后冠。

Juliette自信爆棚，相信背後都有一股好強大嘅支持力量，除咗傳有逾億身家嘅爸爸雷葆文外，仲有牙醫男友Hanmin。原來今日喺Juliette嘅男友生日，Juliette喺instagram貼咗一張合照晒恩愛，見佢擘到個口好大，剩係見到排上牙，與男友頭貼頭，好似想食咗對方咁。Juliette寫咗一大段英文，話感激男友對佢嘅演藝工作嘅支持，現在已經離自己目標踏進一步，而更重要嘅，係最後一句﹕「Love you babe！」真係冧到爆！

不過，仍然有網民專登開ig帳戶，惡搞Juliette嘅相片，仲爆粗鬧佢。幸Juliette未有受影響，噚日又喺網上發表千字文，重申自己唔會被負評影響，只要自己活得好開心，唔會改變自己。