韓國人氣綜藝節目《Running Man》(RM)女星宋智孝，早前飛到香港工作，為雜誌影新相，不過當時智孝冇逗留多幾日玩，短短三日兩夜完成工作就飛返韓國。而今日雜誌方面就公開咗智孝當日影嘅相，只見智孝為咗配合今次主題，表情相當cool，都冇乜笑容，智孝又換咗多套衫包括飄逸長裙、牛仔褸等，盡顯唔同魅力。

另外，智孝將於明年初主持美妝節目《宋智孝的Beauty View》，今日節目組就宣佈智孝將孖上位男星、年僅22歲嘅孔明合作，兩人相差13年到底會擦出咩火花？

而同智孝合作《RM》嘅男星李光洙，其主演嘅劇集《心裡的聲音》今晚於KBS電視台播出最新一集，公開嘅預告中見光洙帶劇中女友庭沼珉返屋企見父母，庭沼珉同光洙都笑得好怕醜。