當年今日
關於我們

【可以繼續拍戲】以正能量面對癌症 邵音音:唔好問我第幾期

蘋果日報 2017/12/04 13:41

邵音音

現年67歲、曾係性感艷星嘅邵音音上周直認生皮膚癌,佢話係遺傳病,十幾歲就病發,頸部仲做過多次手術,音音姐日前回覆《蘋果》時話:「病咪去睇,不停發,依家除咗個腦冇。」音音姐一直低調治療,佢話病人唔想成日畀人提住係病人,不過佢抗癌意志好堅強:「多一日算一日。」
音音姐患癌消息爆出,佢立即成為傳媒關心對象,但佢休息咗幾日,噚晚更新Instagram,佢寫咗充滿正能量留言:「我希望多啲人關注和關懷患癌症病人,我的皮膚病是從年青時發作,亦做過數次手術。雖然這不是新鮮新聞,我之前和以後也一樣,會開心快樂去工作和生活,過好每一天。謝謝大家的關心和支持。我好健康。可以繼續搵我拍戲!唔好問我第幾期,更年期已過了!」
empty