由俞承豪、金所炫、L、尹邵熙等人主演嘅MBC新劇《君主－假面的主人》，將於今晚播出第29、30集，劇組今日率先公開咗預告。

預告中講到俞承豪與邊首會首長「大木」對峙，而大木亦已經知道俞承豪係真正嘅世子。俞承豪目的係剷除邊首會，開創新世代，點知大木就同佢講：「我同你逝世嘅父王係同僚，如果你想開創新世代就要同我合作。」俞承豪最終為咗救被大木捉咗嘅金所炫而答應大木加入邊首會。而鍾意俞承豪嘅尹邵熙得知消息後，就勁嬲去搵金所炫，仲打咗金所炫一巴。最後俞承豪喺大木及金所炫面前食下毒藥，並暈倒喺金所炫懷中。