靚靚人妻兼就快做媽咪的陳倩揚，上月31日突然於微博宣佈提早放產假、調出《東張西望》，而且仲係早咗足足一個月。

翌日又於微博透露心情曾一度低落，似是暗示今次係「被放產假」，加上有傳無綫係早有部署、想安排盛傳係有「後台」嘅應屆港姐冠軍邵珮詩入《東張》實習，難怪陳倩揚不好受。(新聞連結: http://bit.ly/1teMTG2 )

陳倩揚亦有留意報道，噚晚仲喺fb貼埋新聞連結，並嘆道:「NoworrybuddiesImalloknow!!Tobefair:大家覺得我唔係肥到唔見得人就得^^知你哋實撐我嘅！！」唔通有人以孕媽媽發福為由，勸陳倩揚放假？

不少網民及好友紛紛留言，力撐靚媽，留言包括:「撐你呀...你都冇肥」、「仍然美麗，好好休息下！」、「不在乎站的位置，只在乎朝的方向!」、「以你的實力，絕對唔使擔心，好好享受呢個假期，大家支持你！」、「撐…大肚都靚過人」等等等等，令陳倩揚感動不已，回覆道:「好滾動~~~~~thankyoubuddies!!!!」又說:「我真係真係唔會放喺心度而家每日時時痴住羲廷不知幾開心^^dunworrybuddies!!」

其實之前都有fans關心點解要提早放產假，當時陳倩揚已回覆謂:「其實我本身都唸住做到11月尾0架……不過可能公司想我早啲休息啦！哈哈我都係唔停得呀勞碌命~~仲有大project要搞嘛！靠晒你哋支持呀！」又自言「其實睇半身係咪唔係好覺大肚咋…」似是頗無奈。

今日有報道刊登陳倩揚嘅訪問，倩揚重申今次提早放假係公司安排，事關佢嘅預產期係明年一月，依家早咗成個月放，倩揚表示會遵從，仲趁呢個空檔陪家人同小情人羲廷，仲有籌備同友人合資嘅生意。

報道又話，公司建議倩揚提早放假，係因為唔想佢太操勞，倩揚對此就謂多謝公司關心。至於《東張》監製張嘉玲就話唔係因為嫌倩揚上鏡肥而要佢提早放假，而係因為見佢腹大便便，唔想咁頻撲操勞，又話暫未有計劃安排邵珮詩入《東張》。

咁又奇喇，倩揚陀羲廷嗰陣，都係陀到九個月先至放產假。唔通嗰陣無綫冇擔心過佢太操勞？