韓國咁多Oppa，真係睇到眼花撩亂。

好似韓國人氣劇《鬼怪》38歲男神孔劉咁，佢忙完拍攝《鬼怪》之後，暫時未有新作，但就努力還廣告債，早前為代言服裝品牌拍攝硬照，今日品牌就公開孔劉嘅新相，當中孔劉展示成熟男人魅力，踩單車又揸靚仔，非常型格。

而另一新一代男神、24歲嘅朴寶劍去年拍畢人氣韓劇《雲畫的月光》後一直未有新作，唔少粉絲都好心急佢有新作推出，不過估計佢唔想亂咁接作品，所以刻意精挑細選。不過朴寶劍雖然未揀定新作，但廣告就繼續接，佢代言嘅服裝品牌亦都公開咗佢新相，朴寶劍穿上多套秋季新裝，展示男神魅力。