當年今日

羅康瑞:咁唔鍾意唔好喺度住

蘋果日報 2004/04/29 00:00


【本報訊】人大常委會否決「雙普選」後,香港商界即時表態緊跟中央路線,陳啟宗批評民主派誤導香港人,陳永棋指香港人再上街遊行遲早「玩出火」觸怒北京,羅康瑞則說若市民不滿中央做法,大可「唔好喺度住」。
《基本法》45條關注組成員余若薇指商人的說法,「睇唔起香港人,覺得香港人會被誤導,淨係識伸手擺免費午餐一樣,其實香港人好理智。」她對香港市民表示非常有信心。
香港發展論壇召集人陳啟宗昨日出席美國商會午餐會後猛烈批評民主派誤導港人,應為目前局面負責,「敬酒唔飲飲罰酒,每人一次你踢佢(中央)一腳,佢唔出聲,你再揼佢心口,如果你個仔係咁,咁點搞呀?」
陳啟宗又指民主派與北京對抗,阻礙香港民主發展,「𠵱家管治危機係泛民主派好意識形態咁要求一人一票,但今日香港根本唔具備呢啲條件(普選),北京冇信心,根本就唔會畀咁多自由香港。」他更指民主派經常語出驚人,最終會誠信「破產」,當中支聯會更是北京至今不能接受的團體,「香港有一班咁嘅人喺度,要普選都幾難。」

民陣斥「本末倒置」
民間人權陣線發言人孔令瑜反駁稱,遊行令中央不信任香港的說法,是「本末倒置,(中央)咁樣威脅我哋,唔通默默忍受係最好的辦法?香港市民應該行出來。」民陣計劃向警方申請十萬人參與本年7.1大遊行。
將於本周六舉行「五.一反失業、爭普選大遊行」的職工盟秘書長李卓人則諷刺陳啟宗,「佢個樓盤叫君臨天下,臣服於中央,為自己的利益做擦鞋幫。」
香港工商專業聯會會長羅康瑞昨日亦公開批評有政客挑戰中央,「香港有乜資格挑戰中央……咁唔鍾意(中央做法),唔好喺度住!」他又認為,若仍堅持○七、○八年普選是「不切實際」,而有意角逐第三屆特首的人應盡早公開表態及公開擬招攬的主要官員名單供市民討論,他更着記者鼓勵財政司司長唐英年及行政會議成員梁振英盡早表態參選。
工商專聯副主席陳永棋,批評民主派煽動市民上街破壞香港形象及經濟,「搞好經濟最緊要……食飯多件叉燒都好啲﹗」他更警告「大家唔好玩出火,因為玩出火,對香港好大損傷,希望大家三思而行,不要感情用事。」
嘉華集團主席呂志和形容「很多政黨搞三搞四,搞大遊行」,去年7.1遊行幸好未出事端,但「難保多搞數次會不出亂子」。